Fyrirtækið

Múlakaffi er rótgróið fjölskyldufyrirtæki en skipta má rekstri þess í fernt:

1) Múlakaffi veitingastaður 

Veitingastaðurinn Múlakaffi er hjarta fyrirtækisins og er staðsettur í Hallarmúla. Þangað koma daglega hátt í 300 gestir í morgunmat, hádegismat, kaffi eða kvöldmat.

2) Múlakaffi veisluréttir

Starfsfólk Veislurétta Múlakaffis hefur mikla reynslu af hvers konar veisluhöldum og er jafnvígt á smáa viðburði sem og stóra. Á veisluborðum Múlakaffis eru aðeins réttir sem eru framleiddir og útfærðir af fagfólki auk þess sem allt smurbrauð er gert í smurbrauðsdeild Múlakaffis í Hallarmúla. 

3) Múlakaffi veitingasalir

Múlakaffi sér meðal annars um rekstur á eftirfarandi veislusölum:

Vodafonehöllin, Hlíðarenda (frá október 2007)
Hús verslunarinnar, veislusalur 14. hæð (frá 1980)
Versalir, Hallveigarstíg (frá 2009 en einnig 2000-2007)

4) Múlakaffi rekstur mötuneyta

Múlakaffi hefur rekið mötuneyti frá árinu 1985 en í dag rekur Múlakaffi mötuneyti Eimskipa, Lögreglunnar í Reykjavík og Slökkviliðs höfuðborgarsvæðisins.  Daglega borða að meðaltali um 660 manns í þessum mötuneytum.

Eignarhlutur Múlakaffis í öðrum félögum

GJ veitingar ehf.
– dótturfélag, 100% eignarhlutur

GJ veitingar ehf. rekur Málið, veitingaþjónustu Háskólans í Reykjavík og veitingahúsið Nauthól við Nauthólsvík.
(Sjá nánar: www.nautholl.is)

Hörpudiskur ehf.
– dótturfélag, 100% eignarhlutur

Hörpudiskur ehf. sér um veitingarekstur í Tónlistar- og ráðstefnuhúsinu Hörpu.
(Sjá nánar: www.horpudiskur.is)

Kolabrautin ehf.
– dótturfélag, 50% eignarhlutur

Kolabrautin ehf. er a la carte veitingastaður á 4. hæð í Tónlistar- og ráðstefnuhúsinu Hörpu.
(Sjá nánar: www.kolabrautin.is)