Við setjum veisluna saman nákvæmlega eftir þínum óskum. Matseðlarnir okkar eru aðeins dæmi um þær kræsingar sem hafa kitlað ófáa bragðlauka. Við mætum öllum tilefnum með réttri tegund af veitingum, búnaði, þjónustu og framsetningu. Fyrirtækjaveislur, brúðkaup, afmæli, móttökur eða veislur í heimahúsum. Þetta eru bara nokkur dæmi um þær tegundir af veislum sem við sérhæfum okkur í.
Smáréttir og fingrafæði eru okkar sérgrein. Smáréttirnir okkar eru engir smá réttir og henta vel fyrir veislur af öllum toga.
Oft er tilefnið svo sérstakt að því hæfir engin venjuleg umgjörð
Múlakaffi lætur drauminn um hina fullkomnu veislu rætast. Við getum mætt hvar sem er og hvenær sem er. Við útvegum það sem til þarf og setjum upp fullbúið eldhús, sé þess óskað. Listasafnið, Kjarvalsstaðir og Hvalasafnið er aðeins brot af þeim sölum þar sem við þekkjum hvern krók og kima
Hvert sem tilefnið er þá höfum við aðstöðuna, veitingarnar og veisluþjónustuna sem hentar. Segðu okkur hvernig þú vilt hafa þína veislu og við töfrum hana fram fyrir þig. Við sjáum um allt saman og þú getur skemmt þér áhyggjulaus.
Er brúðkaupið í Reykjavík eða uppi á jökli? Við getum aðstoðað þig við að gera daginn ógleymanlegan og haldið gestum gangandi langt fram eftir nóttu.
Hér er aðeins brot af þeim matseðlum sem henta vel fyrir brúðkaup. Við leggjum áherslu á að sérsníða brúðkaupsveislur í takt við óskir brúðhjónanna. Við mælum með að senda okkur fyrirspurn og fá í kjölfarið fund með okkar fagmönnum.
Veisla í íslenskri náttúru er viðburður sem hrífur öll skynfærin. Við getum látið drauminn um veislu í íslenskri náttúru rætast enda höfum við haldið veislur á fjöllum, ofan í hellum, úti á sjó, á litlum eyjum og úti í skógi svo eitthvað sé nefnt. Möguleikarnir eru ótakmarkaðir en í öllum tilfellum er um að ræða viðburð sem er ógleymanleg og draumkennd upplifun.
305.jpg)